dilli ke na the kuche auraq-e-musawwar the
jo shakl nazar aai taswir nazar aai

Mir Taqi Mir

---

---

dilli mein aaj bhik bhi milti nahin unhen
tha kal talak dimagh jinhen taj-o-taKHt ka

Mir Taqi Mir

---

---

dur baiTha ghubar-e-'mir' us se
ishq bin ye adab nahin aata

Mir Taqi Mir

---

---

fursat mein ek nafas ke kya dard-e-dil sunoge
aae to tum wa-lekin waqt-e-aKHir aae

Mir Taqi Mir

---

---

gham raha jab tak ki dam mein dam raha
dil ke jaane ka nihayat gham raha

Mir Taqi Mir

---

---

guftugu reKHte mein hum se na kar
ye hamari zaban hai pyare

Mir Taqi Mir

---

---

gundh ke goya patti gul ki wo tarkib banai hai
rang badan ka tab dekho jab choli bhige pasine mein

Mir Taqi Mir

---

---