hum aap hi ko apna maqsud jaante hain
apne siwae kis ko maujud jaante hain
Mir Taqi Mir
hum faqiron se be-adai kya
aan baiThe jo tum ne pyar kiya
Mir Taqi Mir
hum ne jaana tha likhega tu koi harf ai 'mir'
par tera nama to ek shauq ka daftar nikla
Mir Taqi Mir
hum taur-e-ishq se to waqif nahin hain lekin
sine mein jaise koi dil ko mala kare hai
Mir Taqi Mir
hamare aage tera jab kisu ne nam liya
dil-e-sitam-zada ko hum ne tham tham liya
Mir Taqi Mir
har qadam par thi us ki manzil lek
sar se sauda-e-justaju na gaya
Mir Taqi Mir
hasti apni habab ki si hai
ye numaish sarab ki si hai
Mir Taqi Mir

