ye bhi aana hai koi is se na aana behtar
aae dam bhi na hua kahte ho jaun jaun

Meer Mohammadi Bedar

---

---

main ne aankhon se le liya us ko
phul jo dast-e-baghban se gira

Meer Mustahsan Khaleeq

---

---

misl-e-aina hai us rashk-e-qamar ka pahlu
saf idhar se nazar aata hai udhar ka pahlu

Meer Mustahsan Khaleeq

---

---

sar jhuka leta hai lala sharm se
jab jigar ke dagh dikhlate hain hum

Meer Mustahsan Khaleeq

---

---

yaad-e-jaanan utar ke aai hai
shab ke zine se chandni ki tarah

Meer Naqi Ali Khan Saqib

---

---

ahl-e-iman 'soz' ko kahte hain kafir ho gaya
aah ya rab raaz-e-dil in par bhi zahir ho gaya

Meer Soz

---

---

ek aafat se to mar mar ke hua tha jina
paD gai aur ye kaisi mere allah nai

Meer Soz

---

---