mashshata dekh shane se tera kaTega hath
TuTa gar ek baal kabhu zulf-e-yar ka

Meer Mohammadi Bedar

---

---

mehrab-e-abru-e-but-e-kafir-ada ko dekh
kaba ka shaiKH bandh ke ehram rah gaya

Meer Mohammadi Bedar

---

---

minnat-o-ajizi o zari-o-ah
tere aage hazar kar dekha

Meer Mohammadi Bedar

---

---

mohabbat aise ki 'bedar' saKHt mushkil hai
jo apni jaan se guzre wo us ki chah kare

Meer Mohammadi Bedar

---

---

nahin kuchh abr hi shagird meri ashk-bari ka
sabaq leti hai mujh se barq bhi aabe karari ka

Meer Mohammadi Bedar

---

---

nashsha-e-husn mein sarshaar chala jata hai
shab-e-tarik hai dildar KHuda ko saunpa

Meer Mohammadi Bedar

---

---

nashshe mein ji chahta hai bosa-bazi kijiye
itni ruKHsat dijiye banda-nawazi kijiye

Meer Mohammadi Bedar

---

---