hamein to yaad bahut aaya mausam-e-gul mein
wo surKH phul sa chehra khila hua ab ke

Marghoob Ali

---

---

haqiqi chehra kahin par hamein nahin milta
sabhi ne chehre pe Dale hain maslahat ke naqa

Marghoob Ali

---

---

kursi mez kitaben? bistar anjaane se takte hain
der se apne ghar jaen to sab kuchh yunhi lagta hai

Marghoob Ali

---

---

main us ko bhul jaun raat ye mangi dua main ne
karun kya main agar meri dua wapas palaT aae

Marghoob Ali

---

---

mujh ko barbaad KHud hi hona tha
tum pe ilzam be-sabab aae

Marghoob Ali

---

---

aat paDte hi har ek roz ubhar aati hai
kis ke rone ki sada zat ke sannaTe mein

Marghoob Ali

---

---

sab mumkin tha pyar mohabbat hanste chehre KHwab-nagar
lekin ek ana ne kitne bhole din barbaad kiye

Marghoob Ali

---

---