thi junun-amez apni guftugu
baat matlab ki bhi lekin kah gae

Maikash Akbarabadi

---

---

teri zulfon ko kya suljhaun ai dost
meri rahon mein pech-o-KHam bahut hain

Maikash Akbarabadi

---

---

ye maslak apna apna hai ye fitrat apni apni hai
jalao aashiyan tum hum karenge aashiyan paida

Maikash Akbarabadi

---

---

zaban pe nam-e-mohabbat bhi jurm tha yani
hum un se jurm-e-mohabbat bhi baKHshwa na sake

Maikash Akbarabadi

---

---

aise chhute hain tasawwur mein tujhe hum chup-chap
jaise phulon ko chhua karti hai shabnam chup-chap

Majaz Jaipuri

---

---

kab ka guzar chuka hai diwangi ka aalam
phir bhi 'majaz' apna daman rafu kare hai

Majaz Jaipuri

---

---

meri aankhen hain tere husn ki goya taswir
main ne dekha hai tere husn ka aalam chup-chap

Majaz Jaipuri

---

---