nigah uThi to zamane ke samne tera rup
palak jhuki to mere dil ke ru-ba-ru tera gham

Majeed Amjad

---

---

shayad ek bhuli tamanna miTte miTte ji uThe
aur bhi is jalwa-zar-e-rang-o-bu mein ghumiye

Majeed Amjad

---

---

supurdagi mein bhi ek ramz-e-KHud-nigah-dari
wo mere dil se mere waste nahin guzre

Majeed Amjad

---

---

tere KHayal ke pahlu se uTh ke jab dekha
mahak raha tha zamane mein chaar-su tera gham

Majeed Amjad

---

---

teri yaad mein jalsa-e-taziyat
tujhe bhul jaane ka aaghaz tha

Majeed Amjad

---

---

ye kya tilism hai ye kis ki yasmin banhen
chhiDak gai hain jahan-dar-jahan gulab ke phul

Majeed Amjad

---

---

zindagi ki rahaten milti nahin milti nahin
zindagi ka zahr pi kar justuju mein ghumiye

Majeed Amjad

---

---