ye sard-mehr ujala ye jiti-jagti raat
tere KHayal se taswir-e-mah jalti hai

Mahboob Khizan

---

---

zaKHm bigDe to badan kaT ke phenk
warna kanTa bhi mohabbat se nikal

Mahboob Khizan

---

---

ahut dinon se hisar-e-tilism-e-KHwab mein tha
tilism TuT gaya KHwab se nikal aaya

Mahboob Zafar

---

---

KHuda ka shukr hai girdab se nikal aaya
main us ke halqa-e-ahbab se nikal aaya

Mahboob Zafar

---

---

nigah paDne na pae yatim bachchon ki
zara chhupa ke khilaune dukan mein rakhna

Mahboob Zafar

---

---

diwar o dar ne rangon se daman chhuDa liya
yak-rangi-e-sukut se kyun ghar niDhaal hai

Mahender Kumar Sani

---

---

ho raha hun tere dukh mein tahlil
apne har dard se kaTta jaun

Mahender Kumar Sani

---

---