zindagi ke aaKHiri lamhe KHushi se bhar gaya
ek din itna hansa wo hanste hanste mar gaya

Krishna Mohan

---

---

apne gird-o-pesh ka bhi kuchh pata rakh
dil ki duniya to magar sab se juda rakh

Kumar Pashi

---

---

dasht-e-junun ki KHak uDane walon ki himmat dekho
TuT chuke hain andar se lekin man-mani baqi hai

Kumar Pashi

---

---

hain sare inkishaf apne hain sare mumkinat apne
hum is duniya ka sara ilm le jaenge sath apne

Kumar Pashi

---

---

hui hain dair o haram mein ye sazishen kaisi
dhuan sa uThne laga shahr ke makanon se

Kumar Pashi

---

---

kabhi dikha de wo manzar jo main ne dekhe nahin
kabhi to nind mein ai KHwab ke farishte aa

Kumar Pashi

---

---

koi to DhunD ke mujh ko kahin se le aae
ki KHud ko dekha nahin hai bahut zamanon se

Kumar Pashi

---

---