kuchh ghazlen un zulfon par hain kuchh ghazlen un aankhon par
jaane wale dost ki ab ek yahi nishani baqi hai

Kumar Pashi

---

---

kyun logon se mehr-o-wafa ki aas lagae baiThe ho
jhuT ke is makruh nagar mein logon ka kirdar kahan

Kumar Pashi

---

---

meri dahliz par chupke se 'pashi'
ye kis ne rakh di meri lash la ka

Kumar Pashi

---

---

nai nai aawazen ubhrin 'pashi' aur phir Dub gain
shahr-e-suKHan mein lekin ek aawaz purani baqi hai

Kumar Pashi

---

---

oDh liya hai main ne libaada shishe ka
ab mujh ko kisi patthar se Takrane do

Kumar Pashi

---

---

teri yaad ka har manzar pas-manzar likhta rahta hun
dil ko waraq banata hun aur shab bhar likhta rahta hun

Kumar Pashi

---

---

aadmi hona KHuda hone se behtar kaam hai
KHud hi KHud ke KHwab ki tabir ban kar dekh le

Kumar Vishwas

---

---