sari umr kisi ki KHatir suli pe laTka raha
shayad 'tur' mere andar ek shaKHs tha zinda bahut

Krishna Kumar Toor

---

---

sab ka daman motiyon se bharne wale
meri aankh mein bhi ek aansu rakhna tha

Krishna Kumar Toor

---

---

safar na ho to ye lutf-e-safar hai be-mani
badan na ho to bhala kya qaba mein rakkha hai

Krishna Kumar Toor

---

---

un se kya rishta tha wo kya mere lagte the
girne lage jab peD se patte to main roya bahut

Krishna Kumar Toor

---

---

us ko khona asl mein us ko pana hai
hasil ka hi partaw hai la-hasil mein

Krishna Kumar Toor

---

---

wo bhi mujh ko bhula ke bahut KHush baiTha hai
main bhi us ko chhoD ke 'tur' nihaal hua

Krishna Kumar Toor

---

---

ye asrar hai zahir us ke hone ka
manzar ho ya pas-manzar gahra pani

Krishna Kumar Toor

---

---