mujhe to ishq hai phulon mein sirf KHushbu se
bula rahi hai kisi lala ki mahak mujh ko

Khaleel Mamoon

---

---

aftar-e-roz-o-shab se kahan tak nibhaunga
thak-haar kar main ghar ki taraf lauT jaunga

Khaleel Mamoon

---

---

sab log hamein ek nazar aate hain
andaza nahin hota hai ab chehron ka

Khaleel Mamoon

---

---

sarf chehra hi nazar aata hai aaine mein
aks-e-aina nahin dikhta hai aaine mein

Khaleel Mamoon

---

---

shayad apna pata bhi mil jae
jhankta hun teri nigahon mein

Khaleel Mamoon

---

---

teri kya ye haalat ho gai hai 'mamun'
KHud hi kah raha hai KHud hi sun raha hai

Khaleel Mamoon

---

---

tum ho khoe hue zamane mein
main KHud apni hi zat mein gum hun

Khaleel Mamoon

---

---