phirte hain kai qais se hairan o pareshan
is ishq ki sarkar mein bahbud nahin hai

Joshish Azimabadi

---

---

akhte hain dahanon pe sada mohr-e-KHamoshi
we log jinhen aati hai guftar-e-mohabbat

Joshish Azimabadi

---

---

saba bhi dur khaDi apne hath malti hai
teri gali mein kisi ka guzar nahin hargiz

Joshish Azimabadi

---

---

sajda jise karen hain wo har-su hai jalwa-gar
jidhar tera mizaj ho udhar namaz ka

Joshish Azimabadi

---

---

shart andaz hai agar aae
baat chhoTi ho ya baDi munh pa

Joshish Azimabadi

---

---

tana-zan kufr pe hota hai abas ai zahid
but-parasti hai tere zohd-e-riya se behta

Joshish Azimabadi

---

---

tanik udhar hi rah ai hirs-e-duniya
na de taklif is gosha-nashin ko

Joshish Azimabadi

---

---