tum ko sote mein bhi kab aankh uTha kar dekha
hum ne KHwabon mein bhi aaankhon ki nigah-dari ki

Junaid Akhtar

---

---

wo to bas jhuTi tasalli ko kaha tha tum se
hum to apne bhi nahin, KHak tumhaare hote

Junaid Akhtar

---

---

yaqin KHud uTh gaya hai mujh se mera
meri itni taraf-dari hui hai

Junaid Akhtar

---

---

ajab bahaar dikhai lahu ke chhinTon ne
KHizan ka rang bhi rang-e-bahaar jaisa tha

Junaid Hazin Lari

---

---

dekha nahin wo chand sa chehra kai din se
tarik nazar aati hai duniya kai din se

Junaid Hazin Lari

---

---

dur sahil se koi shoKH ishaara bhi nahin
Dubne wale ko tinke ka sahaara bhi nahin

Junaid Hazin Lari

---

---

ghairon ki shikasta haalat par hansna to hamara shewa tha
lekin hue hum aazurda bahut jab apne ghar ki baat chali

Junaid Hazin Lari

---

---