jo hai kaba wo hi but-KHana hai shaiKH o barhaman
is ki nahaq karte ho takrar donon ek hain

Joshish Azimabadi

---

---

jo tere samne aae hain so kam Thahre hain
ye hamara hi kaleja hai ki hum Thahre hain

Joshish Azimabadi

---

---

KHar-zar-e-ishq ko kya ho gaya
panw mein kanTe chubhota hi nahin

Joshish Azimabadi

---

---

kis tarah tujh se mulaqat mayassar howe
ye dua-go tera ne zor na zar rakhta hai

Joshish Azimabadi

---

---

kufr par mat tan kar ai shaiKH mere ru-ba-ru
mujh ko hai malum kaifiyyat tere islam ki

Joshish Azimabadi

---

---

munis-e-taza hain ye dard-o-alam
muddaton ka rafiq hai gham to

Joshish Azimabadi

---

---

naKHun-e-yar se bhi khul na saki
dana-e-ashk ki girah ai chashm

Joshish Azimabadi

---

---