aadat ke baad dard bhi dene laga maza
hans hans ke aah aah kiye ja raha hun main

Jigar Moradabadi

---

---

aadmi ke pas sab kuchh hai magar
ek tanha aadamiyyat hi nahin

Jigar Moradabadi

---

---

aaghaz-e-mohabbat ka anjam bas itna hai
jab dil mein tamanna thi ab dil hi tamanna hai

Jigar Moradabadi

---

---

aaj na jaane raaz ye kya hai
hijr ki raat aur itni raushan

Jigar Moradabadi

---

---

aap ke dushman rahen waqf-e-KHalish sarf-e-tapish
aap kyun gham-KHwari-e-bimar-e-hijran kijiye

Jigar Moradabadi

---

---

aatish-e-ishq wo jahannam hai
jis mein firdaus ke nazare hain

Jigar Moradabadi

---

---

ab to ye bhi nahin raha ehsas
dard hota hai ya nahin hota

Jigar Moradabadi

---

---