kachchi diwaren sada-noshi mein kitni taq thin
pattharon mein chiKH kar dekha to andaza hua

Jamuna Parsad Rahi

---

---

kashtiyan Dub rahi hain koi sahil lao
apni aankhen meri aankhon ke muqabil lao

Jamuna Parsad Rahi

---

---

kaun hai tujh sa jo banTe meri din bhar ki thakan
muzmahil raat hai bistar ka badan dukhta hai

Jamuna Parsad Rahi

---

---

lauT bhi aaya to sadiyon ki thakan laega
subh ka bhula hua sham ko ghar aane tak

Jamuna Parsad Rahi

---

---

main lafz-e-KHam hun koi ki tarjuman-e-ghazal
ye faisla kisi taza kitab par Thahra

Jamuna Parsad Rahi

---

---

sadiyon ka intishaar fasilon mein qaid tha
dastak ye kis ne di ki imarat bikhar gai

Jamuna Parsad Rahi

---

---

doston aur dushmanon mein kis tarah tafriq ho
doston aur dushmanon ki be-ruKHi hai ek si

Jan Kashmiri

---

---