chhoD kar mujh ko tere sahn main ja baiTha hai
paD gai jaise tere saya-e-diwar main jaan

Afzal Khan

---

---

dalan mein sabza hai na talab mein pani
kyun koi parinda meri diwar pe utre

Afzal Khan

---

---

Dubo raha hai mujhe Dubne ka KHauf ab tak
bhanwar ke bich hun dariya ke par hote hue

Afzal Khan

---

---

hamara dil zara ukta gaya tha ghar mein rah rah kar
yunhi bazar aae hain KHaridari nahin karni

Afzal Khan

---

---

hamare sans bhi le kar na bach sake afzal
ye KHak-dan mein dam toDte hue cigarette

Afzal Khan

---

---

ek waDera kuchh maweshi le ke baiTha hai yahan
ganw ki jitni bhi aabaadi hai aabaadi nahin

Afzal Khan

---

---

isi liye hamein ehsas-e-jurm hai shayad
abhi hamari mohabbat nai nai hai na

Afzal Khan

---

---