yaadon ke nasheman ko jalaya to nahin hai
hum ne tujhe is dil se bhulaya to nahin hai

Afzal Allahabadi

---

---

yun elaj-e-dil bimar kiya jaega
sharbat-e-did se sarshaar kiya jaega

Afzal Allahabadi

---

---

apne badan se lipTa hua aadmi tha main
mujh se chhuDa ke mujh ko bata kaun le gaya

Afzal Gauhar Rao

---

---

chand logon ki mohabbat bhi ghanimat hai miyan
shahr ka shahr hamara to nahin ho sakta

Afzal Gauhar Rao

---

---

ek hi daere mein qaid hain hum log yahan
ab jahan tum ho koi aur wahan tha pahle

Afzal Gauhar Rao

---

---

gumrah kab kiya hai kisi rah ne mujhe
chalne laga hun aap hi apne KHilaf mein

Afzal Gauhar Rao

---

---

hijr mein itna KHasara to nahin ho sakta
ek hi ishq dobara to nahin ho sakta

Afzal Gauhar Rao

---

---