koi mila to kisi aur ki kami hui hai
so dil ne be-talabi iKHtiyar ki hui hai

Irfan Sattar

---

---

kya bataun ki jo hangama bapa hai mujh mein
in dinon koi bahut saKHt KHafa hai mujh mein

Irfan Sattar

---

---

main jag jag ke kis kis ka intizar karun
jo log ghar nahin pahunche wo mar gae honge

Irfan Sattar

---

---

main tujh se sath bhi to umar bhar ka chahta tha
so ab tujh se gila bhi umar bhar ka ho gaya hai

Irfan Sattar

---

---

mujhe dukh hai ki zaKHm o ranj ke is jamghaTe mein
tumhaara aur mera waqia gum ho gaya hai

Irfan Sattar

---

---

nahin nahin main bahut KHush raha hun tere baghair
yaqin kar ki ye haalat abhi abhi hui hai

Irfan Sattar

---

---

akh ke Dher pe kya shoala-bayani karte
ek qisse ki bhala kitni kahani karte

Irfan Sattar

---

---