hain ghar ki muhafiz meri dahki hui aankhen
main taq mein rakh aaya hun jalti hui aankhen

Imtiyaz Saghar

---

---

hoga bahut shadid tamazat ka intiqam
sae se mil ke roegi diwar dekhna

Imtiyaz Saghar

---

---

usi daraKHt ko mausam ne be-libas kiya
main jis ke sae mein thak kar udas baiTha tha

Imtiyaz Saghar

---

---

ab yun hi dekhta hun rasta
manzil pesh-e-nazar nahin hai

Imtiyaz-ul-haq Imtiyaz

---

---

guzri sawal-e-wasl ke chakkar mein sari umr
fursat na mil saki use guft-o-shunid ki

Inam Durrani

---

---

apni hi rawani mein bahta nazar aata hai
ye shahr bulandi se dariya nazar aata hai

Inam Nadeem

---

---

ujh jaega ek roz teri yaad ka shola
lekin mere sine mein dhuan yun hi rahega

Inam Nadeem

---

---