teri jaanib se mujh pe kya na hua
KHair guzri ki tu KHuda na hua

Imdad Imam Asar

---

---

tumhaare aashiqon mein be-qarari kya hi phaili hai
jidhar dekho jigar thame hue do-chaar baiThe hain

Imdad Imam Asar

---

---

ulTi kyun paDti hai tadbir ye hum kya jaanen
kaun ulaT deta hai is raaz ko tadbir se puchh

Imdad Imam Asar

---

---

is liye sab se alag hai meri KHushbu 'ami'
mushk-e-mazdur pasine mein liye phirta hun

Imran Aami

---

---

achchha achchha ho jaega sab kuchh achchha
achchha achchha sab kuchh achchha ho jaega

Imran Shamshad

---

---

ek bar phir salam dur jaane walon ko
dur jaane walon ko ek bar phir salam

Imran Shamshad

---

---

pahli cigarette pahla KHwab aur pahla ishq
in tinon mein ek bhi mujh ko yaad nahin

Imran Shamshad

---

---