kuchh roz abhi aur hai ye aaina-KHana
kuchh roz abhi aur main hairat mein rahunga

Inam Nadeem

---

---

nind se jaga hun to baiTha sochta hun
KHwab mein us ko paya tha ya saya tha

Inam Nadeem

---

---

pukarte the mujhe aasman magar main ne
qayam karne ko ye KHak-dan pasand kiya

Inam Nadeem

---

---

wo dil jis ne hamein ruswa kiya tha
hum aaj us dil ko ruswa kar chuke hain

Inam Nadeem

---

---

ye mohabbat bhi ek neki hai
is ko dariya mein Dal aate hain

Inam Nadeem

---

---

zamana hai bure ham-sae jaisa
so ham-sae se jhagDa kar chuke hain

Inam Nadeem

---

---

professor hi jab aate hon hafta-war college mein
to uncha kyun na ho talim ka mear college mein

Inam-ul-Haq Javed

---

---