KHuda jaane kis kis ki ye jaan legi
wo qatil ada wo qaza mahki mahki

Hasrat Jaipuri

---

---

kis waste likkha hai hatheli pe mera nam
main harf-e-ghalat hun to miTa kyun nahin dete

Hasrat Jaipuri

---

---

ye kis ne kaha hai meri taqdir bana de
aa apne hi hathon se miTane ke liye aa

Hasrat Jaipuri

---

---

aaine mein wo dekh rahe the bahaar-e-husn
aaya mera KHayal to sharma ke rah gae

Hasrat Mohani

---

---

aap ko aata raha mere satane ka KHayal
sulh se achchhi rahi mujh ko laDai aap ki

Hasrat Mohani

---

---

aarzu teri barqarar rahe
dil ka kya hai raha raha na raha

Hasrat Mohani

---

---

ai yaad-e-yar dekh ki ba-wasf-e-ranj-e-hijr
masrur hain teri KHalish-e-na-tawan se hum

Hasrat Mohani

---

---