mohabbat ek tarah ki niri samajat hai
main chhoDun hun teri ab justuju hua so hua

Hasrat Azimabadi

---

---

na-KHalaf bas-ki uThi ishq o junun ki aulad
koi aabaad-kun-e-KHana-e-zanjir nahin

Hasrat Azimabadi

---

---

nibhe thi aan unhon ki hamesha ishq mein KHub
tumhaare daur mein meri gada huin aankhen

Hasrat Azimabadi

---

---

ahe hai naqsh mere chashm-o-dil par yun teri surat
musawwir ki nazar mein jis tarah taswir phirti hai

Hasrat Azimabadi

---

---

saqiya paiham pila de mujh ko mala-mal jam
aaya hun yan main azab-e-hoshyari khinch ka

Hasrat Azimabadi

---

---

sajda-gah-e-barhaman aur shaiKH hain dair-o-haram
mai-paraston ke liye buniyaad mai-KHane hue

Hasrat Azimabadi

---

---

saugand hai hasrat mujhe ejaz-e-suKHan ki
ye sehr hain jadu hain na ashaar hain tere

Hasrat Azimabadi

---

---