ishq mein KHwab ka KHayal kise
na lagi aankh jab se aankh lagi

Hasrat Azimabadi

---

---

kafir-e-ishq hun ai shaiKH pe zinhaar nahin
teri tasbih ko nisbat meri zunnar ke sath

Hasrat Azimabadi

---

---

khelen aapas mein pari-chehra jahan zulfen khol
kaun puchhe hai wahan haal-e-pareshan mera

Hasrat Azimabadi

---

---

maKHuz hoge shaiKH-e-riya-kar roz-e-hashr
paDhte ho tum azab ki aayat be-tarah

Hasrat Azimabadi

---

---

main 'hasrat' mujtahid hun but-parasti ki tariqat ka
na puchho mujh ko kaisa kufr hai islam kya hoga

Hasrat Azimabadi

---

---

mai-kashi mein rakhte hain hum mashrab-e-durd-e-sharab
jam-e-mai chalta jahan dekha wahan par jam gae

Hasrat Azimabadi

---

---

mat halak itna karo mujh ko malamat kar kar
nek-namo tumhein kya mujh se hai bad-nam se kaam

Hasrat Azimabadi

---

---