dil mera shaki-e-jafa na hua
ye wafadar bewafa na hua

Figar Unnavi

---

---

ek KHwab-o-KHayal hai duniya
e'tibar-e-nazar ko kya kahiye

Figar Unnavi

---

---

faza ka tang hona fitrat-e-azad se puchho
par-e-parwaz hi kya jo qafas ko aashiyan samjhe

Figar Unnavi

---

---

gham-o-alam se jo tabir ki KHushi main ne
bahut qarib se dekhi hai zindagi main ne

Figar Unnavi

---

---

hain ye jazbaat mere dard bhare dil ke figar
lafz ban ban ke jo ashaar tak aa pahunche hain

Figar Unnavi

---

---

hasrat-e-dil na-mukammal hai kitab-e-zindagi
joD de mazi ke sab auraq mustaqbil ke sath

Figar Unnavi

---

---

ek tera aasra hai faqat ai KHayal-e-dost
sab bujh gae charagh shab-e-intizar mein

Figar Unnavi

---

---