meri jabin-e-shauq ne sajde jahan kiye
wo aastan bana jo kabhi aastan na tha

Figar Unnavi

---

---

partaw-e-husn se zarre bhi bane aaine
kitne jalwe kiye arzan teri ranai ne

Figar Unnavi

---

---

phulon ko gulistan mein kab ras bahaar aai
kanTon ko mila jab se ejaz-e-masihai

Figar Unnavi

---

---

qadam apne harim-e-naz mein is shauq se rakhna
ki jo dekhe mere dil ko tumhaara aastan samjhe

Figar Unnavi

---

---

qadam qadam pe donon jurm-e-ishq mein sharik hain
nazar ko be-KHata kahun ki dil ko be-KHata kahun

Figar Unnavi

---

---

saqi ne nigahon se pila di hai ghazab ki
rindan-e-azal dekhiye kab hosh mein aaen

Figar Unnavi

---

---

sar-e-mahfil hamare dil ko luTa chashm-e-saqi ne
udhar taqdir gardish mein idhar gardish mein jam aaya

Figar Unnavi

---

---