kaba bhi ghar apna hai sanam-KHana bhi apna
har husn ka jalwa mera iman-e-nazar hai

Figar Unnavi

---

---

kabe mein ho ya but-KHane mein hone ko to sar KHam hota hai
hota hai jahan tu jalwa-numa kuchh aur hi aalam hota hai

Figar Unnavi

---

---

kis kaam ka aisa dil jis mein ranjish hai ghubar hai kina hai
hum ko hai zarurat us dil ki sab jis ko kahen aaina hai

Figar Unnavi

---

---

kisi se shikwa-e-mahrumi-e-niyaz na kar
ye dekh le ki teri aarzu to KHam nahin

Figar Unnavi

---

---

kya mila arz-e-muddaa se 'figar'
baat kahne se aur baat gai

Figar Unnavi

---

---

mayus dilon ko ab chheDo bhi to kya hasil
TuTe hue paimane fariyaad nahin karte

Figar Unnavi

---

---

mahfil-e-kaun-o-makan teri hi bazm-e-naz hai
hum kahan jaenge is mahfil se uTh jaane ke baad

Figar Unnavi

---

---