alfaz na aawaz na hamraaz na dam-saz
ye kaise dorahe pe main KHamosh khaDi hun

Farhat Zahid

---

---

aurat hun magar surat-e-kohsar khaDi hun
ek sach ke tahaffuz ke liye sab se laDi hun

Farhat Zahid

---

---

jis baadal ne sukh barsaya jis chhanw mein prit mili
aankhen khol ke dekha to wo sab mausam lamhati the

Farhat Zahid

---

---

diwaren khaDi hui hain lekin
andar se makan gir raha hai

Farigh Bukhari

---

---

do dariya bhi jab aapas mein milte hain
donon apni apni pyas bujhate hain

Farigh Bukhari

---

---

hum ek fikr ke paikar hain ek KHayal ke phul
tera wajud nahin hai to mera saya nahin

Farigh Bukhari

---

---

hum se insan ki KHajalat nahin dekhi jati
kam-sawadon ka bharam hum ne rawa rakkha hai

Farigh Bukhari

---

---