na jaane kaisa samundar hai ishq ka jis mein
kisi ko dekha nahin Dub ke ubharte hue

Faragh Rohvi

---

---

nafrat ke sansar mein khelen ab ye khel
ek ek insan joD ke ban jaen hum rail

Faragh Rohvi

---

---

suna hai amn-paraston ka wo ilaqa hai
wahin shikar kabutar hua to kaise hua

Faragh Rohvi

---

---

tumhaara chehra tumhein hu-ba-hu dikhaunga
main aaina hun mera e'tibar tum bhi karo

Faragh Rohvi

---

---

usi taraf hai zamana bhi aaj mahw-e-safar
'faragh' main ne jidhar se guzarna chaha tha

Faragh Rohvi

---

---

yaro hudud-e-gham se guzarne laga hun main
mujh ko sameT lo ki bikharne laga hun main

Faragh Rohvi

---

---

zara si baat pe kya kya na kho diya main ne
jo tum ne khoya hai us ka shumar tum bhi karo

Faragh Rohvi

---

---