dard ki dhup mein sahra ki tarah sath rahe
sham aai to lipaT kar hamein diwar kiya

Ata Shad

---

---

dil wo sahra hai jahan hasrat-e-saya bhi nahin
dil wo duniya hai jahan rang hai ranai hai

Ata Shad

---

---

dilon ke dard jaga KHwahishon ke KHwab saja
bala-kashan-e-nazar ke liye sarab saja

Ata Shad

---

---

wo kya talab thi tere jism ke ujale ki
main bujh gaya to mera KHana-e-KHarab saja

Ata Shad

---

---

chahiye kya tumhein tohfe mein bata do warna
hum to bazar ke bazar uTha laenge

Ata Turab

---

---

han tujhe bhi to mayassar nahin tujh sa koi
hai tera arsh bhi viran mere pahlu ki tarah

Ata Turab

---

---

ishq to apne lahu mein hi sanwarta hai so hum
kis liye ruKH pe koi ghaza laga kar dekhen

Ata Turab

---

---