kahan bhaTakti phiregi andheri galiyon mein
hum ek charagh sar-e-kucha-e-hawa rakh aae

Aslam Mahmood

---

---

KHata ye thi ki main aasaniyon ka talib tha
saza ye hai ki mera tisha-e-hunar bhi gaya

Aslam Mahmood

---

---

main ek ret ka paikar tha aur bikhar bhi gaya
ajab tha KHwab ki main KHwab hi mein Dar bhi gaya

Aslam Mahmood

---

---

mere shauq-e-sair-o-safar ko ab nae ek jahan ki numud kar
tere bahr o bar ko to rakh diya hai kabhi ka main ne khangal ke

Aslam Mahmood

---

---

meri kahani raqam hui hai hawa ke auraq-e-muntashir par
main KHak ke rang-e-ghair-fani ko apni taswir kar raha hun

Aslam Mahmood

---

---

panw us ke bhi nahin uThte mere ghar ki taraf
aur ab ke rasta badla hua mera bhi hai

Aslam Mahmood

---

---

aat aati hai to taqon mein jalate hain charagh
KHwab zinda hain so aankhon mein jalate hain charagh

Aslam Mahmood

---

---