mujh se jo puchhte ho to har haal shukr hai
yun bhi guzar gai meri wun bhi guzar gai

Ashraf Ali Fughan

---

---

ab to chalna hai kisi aur hi raftar ke sath
jism bistar pe giraunga chala jaunga

Ashraf Javed

---

---

asit-e-dasht ki hurmat ko baam-o-dar de de
mere KHudaya mujhe bhi to ek ghar de de

Ashraf Javed

---

---

falak se roz utarte hain raushni ke KHutut
magar na chamke muqaddar gharib-KHanon ke

Ashraf Javed

---

---

utni hi nigahon ki meri pyas baDhi hai
jitni ki tujhe dekh ke taskin hui hai

Ashraf Rafi

---

---

tere badan ke nae zawiye banata hua
guzar raha hai koi daere banata hua

Ashraf Saleem

---

---

ek taswir hun gham ki jis par
muskurane ka guman hota hai

Ashraf Yusuf

---

---