pairwi se mumkin hai kab rasai manzil tak
naqsh-e-pa miTane ko gard-e-rah kafi hai

Ambareen Haseeb ambar

---

---

talluq jo bhi rakkho soch lena
ki hum rishta nibhana jaante hain

Ambareen Haseeb ambar

---

---

tashhir to maqsud nahin qissa-e-dil ki
so tujh ko likha teri nishani nahin likkhi

Ambareen Haseeb ambar

---

---

tere firaq mein dil ka ajib aalam hai
na kuchh KHumar se baDh kar na kuchh KHumar se kam

Ambareen Haseeb ambar

---

---

tum ne kis kaifiyat mein muKHatab kiya
kaif deta raha lafz-e-'tu' der tak

Ambareen Haseeb ambar

---

---

uD gae sare parinde mausamon ki chah mein
intizar un ka magar buDhe shajar karte rahe

Ambareen Haseeb ambar

---

---

umr-bhar ke sajdon se mil nahin saki jannat
KHuld se nikalne ko ek gunah kafi hai

Ambareen Haseeb ambar

---

---