ishq ki sada-dili hai har taraf chhai hui
bargah-e-husn mein har aarzu nau-KHez hai

Akbar Haidri

---

---

jabr sahta hun magar kab tak sahun insan hun
sabr karta hun magar dil sabr ke qabil nahin

Akbar Haidri

---

---

sabr karti hi rahi be-chaargi
zulm hota hi raha mazlum pa

Akbar Haidri

---

---

zindagi hai chashm-e-ibrat mein abhi
kuchh nahin to aish-o-ishrat hi sahi

Akbar Haidri

---

---

abhi zamin ko haft aasman banana hai
isi jahan ko mujhe do-jahan banana hai

Akbar Hameedi

---

---

aise haalat mein ek roz na ji sakte the
hum ko zinda tere paiman-e-wafa ne rakkha

Akbar Hameedi

---

---

fankar ba-zid hai ki lagaega numaish
main hun ki har ek zaKHm chhupane mein laga hun

Akbar Hameedi

---

---