ghamza nahin hota ki ishaara nahin hota
aankh un se jo milti hai to kya kya nahin hota

Akbar Allahabadi

---

---

ghazab hai wo ziddi baDe ho gae
main leTa to uTh ke khaDe ho gae

Akbar Allahabadi

---

---

hum kya kahen ahbab kya kar-e-numayan kar gae
BA hue naukar hue pension mili phir mar gae

Akbar Allahabadi

---

---

haqiqi aur majazi shaeri mein farq ye paya
ki wo jame se bahar hai ye pajame se bahar hai

Akbar Allahabadi

---

---

har chand bagula muztar hai ek josh to us ke andar hai
ek wajd to hai ek raqs to hai bechain sahi barbaad sahi

Akbar Allahabadi

---

---

ilahi kaisi kaisi suraten tu ne banai hain
ki har surat kaleje se laga lene ke qabil hai

Akbar Allahabadi

---

---

in ko kya kaam hai murawwat se apni ruKH se ye munh na moDenge
jaan shayad farishte chhoD bhi den doctor fees ko na chhoDenge

Akbar Allahabadi

---

---