gham-e-habib gham-e-zindagi gham-e-dauran
kisi maqam pe hum ji bura nahin karte

Ahmad Riyaz

---

---

kuchh is tarah se luTi hai mata-e-dida-o-dil
ki ab kisi se bhi zikr-e-wafa nahin karte

Ahmad Riyaz

---

---

main nukta-chin nahin hun magar ye bataiye
wo kaun the jo hans ke gulon ko masal gae

Ahmad Riyaz

---

---

shikast-e-ahd-e-sitam par yaqin rakhte hain
hum intiha-e-sitam ka gila nahin karte

Ahmad Riyaz

---

---

ajnabi log hain main jin mein ghira rahta hun
aashna koi yahan mere fasane ka nahin

Ahmad Rizwan

---

---

ek muddat se use dekh raha hun 'ahmad'
aur lagta hai abhi ek jhalak dekha hai

Ahmad Rizwan

---

---

hota na koi kar-e-zamana mere supurd
bas apne karobar-e-mohabbat ko dekhta

Ahmad Rizwan

---

---