chaDha hua tha wo dariya agar hamare liye
to dekhte hi rahe kyun utar nahin gae hum

Ahmad Mahfuz

---

---

daman ko zara jhaTak to dekho
duniya hai kuchh aur shai nahin hai

Ahmad Mahfuz

---

---

dekhna hi jo shart Thahri hai
phir to aankhon mein koi manzar ho

Ahmad Mahfuz

---

---

gum-shuda main hun to har samt bhi gum hai mujh mein
dekhta hun wo kidhar DhunDne jata hai mujhe

Ahmad Mahfuz

---

---

hum ko aawargi kis dasht mein lai hai ki ab
koi imkan hi nahin lauT ke ghar jaane ka

Ahmad Mahfuz

---

---

kahan kisi ko thi fursat fuzul baaton ki
tamam raat wahan zikr bas tumhaara tha

Ahmad Mahfuz

---

---

kisi se kya kahen sunen agar ghubar ho gae
hamin hawa ki zad mein the hamin shikar ho gae

Ahmad Mahfuz

---

---