main tha sadiyon ke safar mein 'ahmad'
aur sadiyon ka safar tha mujh mein

Ahmad Khayal

---

---

mere kashkol mein Dal aur zara ijz ki main
itni KHairaat se aage nahin jaane wala

Ahmad Khayal

---

---

sukut toDne ka ehtimam karna chahiye
kabhi-kabhaar KHud se bhi kalam karna chahiye

Ahmad Khayal

---

---

tumhaari jit mein pinhan hai meri jit kahin
tumhaare samne har bar haarta hua main

Ahmad Khayal

---

---

tu jo ye jaan hatheli pe liye phirta hai
tera kirdar kahani se nikal sakta hai

Ahmad Khayal

---

---

wo de raha tha talab se siwa sabhi ko 'KHayal'
so main ne daman-e-dil aur kuchh kushada kiya

Ahmad Khayal

---

---

wo sar uThae yahan se palaT gaya 'ahmad'
main sar jhukae khaDa hun sawal aisa tha

Ahmad Khayal

---

---