tum mere sath ho ye sach to nahin hai lekin
main agar jhuT na bolun to akela ho jaun

Ahmad Kamal Parwazi

---

---

tumhaare wasl ka jis din koi imkan hota hai
main us din roza rakhta hun burai chhoD deta hun

Ahmad Kamal Parwazi

---

---

wo apne husn ki KHairaat dene wale hain
tamam jism ko kasa bana ke chalna hai

Ahmad Kamal Parwazi

---

---

chahiye hai mujhe inkar-e-mohabbat mere dost
lekin is mein tera inkar nahin chahiye hai

Ahmad Kamran

---

---

chand peDon ko hi majnun ki dua hoti hai
sab daraKHton pe to patthar nahin aaya karta

Ahmad Kamran

---

---

ek pal ka tawaqquf bhi giran-bar hai tujh par
aur hum ki thake-haare masafat se gurezan

Ahmad Kamran

---

---

kurra-e-hijr se hona hai numudar mujhe
main tere ishq ka inkar uThane laga hun

Ahmad Kamran

---

---