waisa hi KHarab shaKHs hun main
jaisa koi chhoD kar gaya tha

Ahmad Ata

---

---

ye chadar ek alamat bani hui thi yahan
dar-asl gham ka libaada bahut zaruri tha

Ahmad Ata

---

---

ye jo raaton ko mujhe KHwab nahin aate 'ata'
is ka matlab hai mera yar KHafa hai mujh se

Ahmad Ata

---

---

ye tera hijr ata dard ata karb ata
ab 'ata' kaise jiye teri ataon ke baghai

Ahmad Ata

---

---

zindagi KHwab hai aur KHwab bhi aisa ki miyan
sochte rahiye ki is KHwab ki tabir hai kya

Ahmad Ata

---

---

aahan o sang ko zahrab-e-fana chaT gaya
pahle diwar shikasta hui phir bab gira

Ahmad Azeem

---

---

ai sham-e-hijr-e-yar meri tu gawahi de
main tere sath sath raha ghar nahin gaya

Ahmad Azeem

---

---