main to miTTi ho raha tha ishq mein lekin 'ata'
aa gai mujh mein kahin se be-dimaghi 'mir' ki

Ahmad Ata

---

---

main us ki aaankhon ke bare mein kuchh nahin kahta
ufuq se ta-ba-ufuq ek jahan samajh lije

Ahmad Ata

---

---

na-rasai ne ajab taur sikhae hain 'ata'
yani bhule bhi nahin tum ko pukara bhi nahin

Ahmad Ata

---

---

phir koi dur hua jata hai
phir koi dil ke qarib aaega

Ahmad Ata

---

---

saDak pe baiTh gae dekhte hue duniya
aur aise tark hui ek KHud-kushi hum se

Ahmad Ata

---

---

tabir batai ja chuki hai
ab aankh ko KHwab dekhna hai

Ahmad Ata

---

---

us ka badan hai rag sa rag bhi ek aag sa
aag ka mas tabah-kun rag ka ras tabah-kun

Ahmad Ata

---

---