کتنا بعد ہے میرے فن اور پیشہ کے مابین
باہر دانشور ہوں لیکن مل میں آئل مین

تنویر سپرا

---

---

میں اپنے بچپنے میں چھو نہ پایا جن کھلونوں کو
انہی کے واسطے اب میرا بیٹا بھی مچلتا ہے

تنویر سپرا

---

---

مل مالک کے کتے بھی چربیلے ہیں
لیکن مزدوروں کے چہرے پیلے ہیں

تنویر سپرا

---

---

سب کی نگاہ میں ترے گودام آ گئے
اب اپنے ہاتھوں مال کی تقسیم کر نہ کر

تنویر سپرا

---

---

شاید یوں ہی سمٹ سکیں گھر کی ضرورتیں
تنویرؔ ماں کے ہاتھ میں اپنی کمائی دے

تنویر سپرا

---

---

تنویرؔ اب تو حلق سے بھونپو کا کام لے
بہرے ہوئے ہیں کان مشینوں کے شور سے

تنویر سپرا

---

---

تیری تو آن بڑھ گئی مجھ کو نواز کر
لیکن مرا وقار یہ امداد کھا گئی

تنویر سپرا

---

---