jalunga main ki dil us but ka ghair par aaya
uDegi aag ki patthar gira hai patthar pa

Taashshuq Lakhnavi

---

---

har taraf hashr mein jhankar hai zanjiron ki
un ki zulfon ke giraftar chale aate hain

Taashshuq Lakhnavi

---

---

hum kis ko dikhate shab-e-furqat ki udasi
sab KHwab mein the raat ko bedar hamin the

Taashshuq Lakhnavi

---

---

gaya shabab par itna raha talluq-e-ishq
dil o jigar mein tapak gah gah hoti hai

Taashshuq Lakhnavi

---

---

dete phirte the hasinon ki gali mein aawaz
kabhi aaina-farosh-e-dil-e-hairan hum the

Taashshuq Lakhnavi

---

---

charagh-e-dagh main din se jalae baiTha hun
suna hai jo shab-e-furqat siyah hoti hai

Taashshuq Lakhnavi

---

---

chala ghar se wo bahr-e-husn allah re kashish dil ki
ajab qatra hai jo khinche liye jata hai dariya ko

Taashshuq Lakhnavi

---

---

ahut muzir dil-e-ashiq ko aah hoti hai
isi hawa se ye kashti tabah hoti hai

Taashshuq Lakhnavi

---

---

ar-e-KHatir hi agar hai to inayat kije
aap ko husn mubarak ho mera dil mujh ko

Taashshuq Lakhnavi

---

---