ہوش والے تو الجھتے ہی رہے
راستے طے ہوئے دیوانوں سے

شوکت پردیسی

---

---

ادھورا ہو کے ہوں کتنا مکمل
بہ مشکل زندگی بکھرا ہوا ہوں

شوکت پردیسی

---

---

ہائے اس منت کش وہم و گماں کی جستجو
زندگی جس کو نہ پاے جو نہ پاے زندگی

شوکت پردیسی

---

---

ہنستے ہنستے بہے ہیں آنسو بھی
روتے روتے ہنستی بھی آئی ہمیں

شوکت پردیسی

---

---

دیتا رہا فریب مسلسل کوئی مگر
امکان التفات سے ہم کھیلتے رہے

شوکت پردیسی

---

---

برق کی شعلہ مزاجی ہے مسلم لیکن
میں نے دیکھا مرے سائے سے یہ کتراتی ہے

شوکت پردیسی

---

---

اپنے پرائے تھک گئے کہہ کر ہر کوشش بیکار رہی
وقت کی بات سمجھ میں آئی وقت ہی کے سمجھانے سے

شوکت پردیسی

---

---

اے انقلاب نو تری رفتار دیکھ کر
خود ہم بھی سوچتے ہیں کہ اب تک کہاں رہے

شوکت پردیسی

---

---

عہد آغاز تمنا بھی مجھے یاد نہیں
محو حیرت ہوں کہ اتنا بھی مجھے یاد نہیں

شوکت پردیسی

---

---