یوں تو سارا چمن ہمارا ہے
پھول جتنے بھی ہیں پرائے ہیں

شکیب جلالی

---

---

گلے ملا نہ کبھی چاند بخت ایسا تھا
ہرا بھرا بدن اپنا درخت ایسا تھا

شکیب جلالی

---

---

آج بھی شاید کوئی پھولوں کا تحفہ بھیج دے
تتلیاں منڈلا رہی ہیں کانچ کے گلدان پر

شکیب جلالی

---

---

عالم میں جس کی دھوم تھی اس شاہکار پر
دیمک نے جو لکھے کبھی وہ تبصرے بھی دیکھ

شکیب جلالی

---

---

ابھی ارمان کچھ باقی ہیں دل میں
مجھے پھر آزمایا جا رہا ہے

شکیب جلالی

---

---

بد قسمتی کو یہ بھی گوارا نہ ہو سکا
ہم جس پہ مر مٹے وہ ہمارا نہ ہو سکا

شکیب جلالی

---

---

بس ایک رات ٹھہرنا ہے کیا گلہ کیجے
مسافروں کو غنیمت ہے یہ سرائے بہت

شکیب جلالی

---

---

دل سا انمول رتن کون خریدے گا شکیبؔ
جب بکے گا تو یہ بے دام ہی بک جائے گا

شکیب جلالی

---

---

ایک اپنا دیا جلانے کو
تم نے لاکھوں دیے بجھائے ہیں

شکیب جلالی

---

---