aaine mein kahin gum ho gai surat meri
mujh se milti hi nahin shakl-o-shabahat meri

Sarfraz Khalid

---

---

hosh jata raha duniya ki KHabar hi na rahi
jab ki hum bhul gae KHud ko wo tab yaad aaya

Sarfraz Khalid

---

---

ibtida us ne hi ki thi meri ruswai ki
wo KHuda hai to gunahgar nahin hun main bhi

Sarfraz Khalid

---

---

ek tu ne hi nahin ki junun ki dukan band
sauda koi hamare bhi sar mein nahin raha

Sarfraz Khalid

---

---

jo tum kahte ho mujh se pahle tum aae the mahfil mein
to phir tum hi batao aaj kya kya hone wala hai

Sarfraz Khalid

---

---

KHwab maile ho gae the un ko dhona chahiye tha
raat ki tanhaiyon mein KHub rona chahiye tha

Sarfraz Khalid

---

---

kisi ne jaan hi luTa di wafaon ki KHatir
tum hi batao ki qissa ye kis kitab ka hai

Sarfraz Khalid

---

---

lambi hai bahut aaj ki shab jagne walo
aur yaad mujhe koi kahani bhi nahin hai

Sarfraz Khalid

---

---

main apne-ap se aage nikal gaya hun bahut
kisi safar ke hawale ye jism-o-jaan kar ke

Sarfraz Khalid

---

---