usi se puchho use nind kyun nahin aati
ye us ka kaam nahin hai to mera kaam hai kya

Sarfraz Khalid

---

---

wo bhi na aaya umr-e-guzishta ke misl hi
hum bhi khaDe rahe dar-o-diwar ki tarah

Sarfraz Khalid

---

---

wo chehra mujhe saf dikhai nahin deta
rah jati hain sayon mein ulajh kar meri aankhen

Sarfraz Khalid

---

---

wo muztarib tha bahut mujh ko darmiyan kar ke
so pa liya hai use KHud ko raegan kar ke

Sarfraz Khalid

---

---

ye kaenat bhi kya qaid-KHana hai koi
ye zindagi bhi koi tarz-e-intiqam hai kya

Sarfraz Khalid

---

---

zist ki yaksaniyat se tang aa jate hain sab
ek din tu bhi meri baaton se ukta jaega

Sarfraz Khalid

---

---

hamare kandhe pe is bar sirf aankhen hain
hamare kandhe pe is bar sar nahin hai koi

Sarfraz Khalid

---

---

aankhon ne banai thi koi KHwab ki taswir
tum bhul gae ho to kise dhyan rahega

Sarfraz Khalid

---

---

ab jism ke andar se aawaz nahin aati
ab jism ke andar wo rahta hi nahin hoga

Sarfraz Khalid

---

---