is taraf bazm mein hum the wo the
us taraf shama thi parwana tha

Sakhi Lakhnvi

---

---

jaegi gulshan talak us gul ki aamad ki KHabar
aaegi bulbul mere ghar mein mubarakbaad ko

Sakhi Lakhnvi

---

---

jitenge na hum se bazi-e-ishq
aghyar ke piT paDenge panse

Sakhi Lakhnvi

---

---

jis ke ghar jate na the hazrat-e-dil
wan lage phand ne diwar ye kya

Sakhi Lakhnvi

---

---

kabe mein saKHt-kalami sun li
but-kade mein na kabhi aaiyega

Sakhi Lakhnvi

---

---

kabhi pahunchega dil un ungliyon tak
nagine ki tarah KHatim mein jaD ke

Sakhi Lakhnvi

---

---

kahna majnun se ki kal teri taraf aaunga
DhunDne jata hun farhad ko kohsar mein aaj

Sakhi Lakhnvi

---

---

KHal aur ruKH se kis ko dun nisbat
aise tare na aisa pyara chand

Sakhi Lakhnvi

---

---

KHuda ke pas kya jaenge zahid
gunah-garon se jab ye bar paen

Sakhi Lakhnvi

---

---